變雀特工是動畫、冒險、動作、喜劇、科幻類電影，設有英語及粵語版本，現正上映中。電影由Troy Quane、Nick Bruno執導，主要演員包括韋史密夫、湯姆賀倫。
劇情簡介
身光頸靚有型有款的頂尖特工蘭斯（韋史密夫 聲演），與宅男天才科學家華德（湯賀蘭 聲演），本來完全九唔搭八傾唔埋欄，但一次意外，蘭斯誤用華德的新發明，突然變成了一隻白鴿！眼見世紀陰謀迫到埋身，蘭斯侷住與華德拍住上，一隻雀仔特工配合一個天才頭腦，合力拯救世界！
電影資料
| 電影名稱: | 變雀特工 |
| 英文名稱: | Spies in Disguise |
| 導演: | Troy Quane, Nick Bruno |
| 編劇: | |
| 主要演員: | 配音: 韋史密夫, 湯姆賀倫 |
| 類型: | 動畫,冒險,動作,喜劇,科幻 |
| 評級: | I |
| 主要語言: | 英語 (中文字幕), 粵語 |
| 片長: | 102分鐘 (1小時42分) |
| 上映日期: | 2020年1月23日 |
海報及圖片
上映戲院
未有戲院上映資料，請密切留意。
關於《變雀特工》
講到特工，大家都會即時諗起靚仔有型嘅占士邦007，或者《職業特工隊》，但如果全球最頂尖、打遍天下無敵手嘅超級特工竟然係一隻雀，你會唔會覺得更有睇頭、更有新意、更加想睇雀仔特工如何大發神威？！
《冰河世紀》系列幕後班底創意大發，瘋狂玩轉特工電影，爆笑動作歷險全新動畫《變雀特工》。故事雖然天馬行空，但當中峰迴路轉的間諜攻略、緊張刺激的動作大場面完全真嘅一樣，更有大量前所未見超先進又好玩的諜戰裝備、神奇發明，以至有型有款的未來戰車等，完全稱得上是動畫版的007 ！除此之外，當中的手足之情爆笑之餘又感動人心！絕對是農曆新年合家歡開心睇戲首選！
《變雀特工》角色造型、神情、動作以《阿拉丁》巨星韋史密夫 (Will Smith) 及「蜘蛛仔」湯賀蘭 (Tom Holland)作參考，形神俱似，加上搞笑聲演，完全融入角色，份外生鬼傳神！